المقادير :
- الخبز تورتيا ;
- 500غ الطحين
- 75غ الزيت نباتية
- معلقة صغيرة سنيدة
- الملح
- معلقة صغيرة خميرة الخبز
- 300غ الحليب
- نخلط جميع المقادير و ندلك مزيان و نخليه يخمر و من بعد نقطعو على 16 كويرة و كل وحدة نسرحها بالمدلك حتى تولي رقيقة و نطيبها في مقلة لي سخنتها قبل نخليها طيب تقريبا 40 تانية فكل جهة
- الحشو.ة ديال الدجاج
طريقة التحضير :
-
كناخد معلقة كبيرة ديال القزبر يابس و معلقة كبيرة كمون بلدي و معلقة كبيرة الزعتر و نسخنهم في مقلة و نطحنهم و نزيدهم على 750غ صدر الدجاج و نزيد دانون مسوس + الملح + معلقة صغيرة تومة محكوكة + 4 معالق كبار زيت العود+ الهريسة + عصير نص حامضة + ملعقة كبيرة مطيشة الحك + معلقة كبيرة عجينة الفلفل .
-
( طريقة عجينة الفلفل; كناخد واحد الكمية من الفلفلة الحمرة و كنقطعها مربعات صغيرة و كنديرها فوق العافية على نار شوية مهيلة حتى طيح الفلفلة و نطحنها في طحانة اليدوي و نرجعها فوق المقلة مع معلقة الزيت العود ونخليها تبقى تقلى مزيان حتى تعقاد و توقف مزيان. ونخليها تبرد و نديرها في المجمد وهاد العجينة ديال الفلفلة انا كنستعملها فبزاف في الطياب ديالي مع الحوت مع العدس مع التقلية مع صوص المطيشة مع اللوبيا مع تكتوكة .
/2