1. En cas de Probléme :
    Contacter l'admin : Ayoub | Mehdi

!!أحسن لوسيون طبيعي و يومي للبشرة(تفتيح و عناية يومية)أُ ماتخفيش منو

Discussion dans 'العناية بالبشرة' créé par Mounia Monmon, 16 Juin 2012.

  1. Mounia Monmon Membre

    حبيباتي و خواتاتي السلام و عليكم ..
    نتمنا تكونو فأحسن حال و بصحة جيدة إن شاء الله.
    ليوما جبت ليكم لوسيون يومي للوجه لا داعي للإستغناء عنه ،حيت البشرة محتجاه ديما و أصلا طبيعي متخفيش منو ،و المواد للي فيه صحية بزاف و ڭاع الخبيرات فالتجميل كيئكدو على قيمة الفايدة لي فيه للصحة كاملة محسآآاك الوجه !
    بلا شك كلكوم باغيين بشرة بلا عيوب تكون صافية ،إذن بلا منطول بزاف و غنڭولكم الوصفة !

    المكونات هي :
    1)المعدنوس(و راكم عارفين شكون هو سيدي المعدنوس بالنسبة للبشرة ،انا بلا مانكتر عليكم ،سيرو قلبو على الفوائد ديالو فالأنترنيت)!!
    2)البابونج
    كتاخدي واحد الربيطة ديال المعدنوس مفروم كتزديه واحد الحفينة ديال البابونج ،ديريهوم فشي قريعة و زيدي عليهم الماء السخون ،شي كاس ولا كاس و نص.و كتسدي على دكشي حتى يبرد .وكتخليه فالثلاجة ،وكل ليلة كاتبقاي دهني وجهك بيه بقطينة على شكل لوسيون .
    ــ ـ ـ ـ ـ ـ ـ
    الموضوع سالا هنا !
    للإفادة : يمكن إستعمال منقوع البابونج او المعدنوس من بعد أي ماسك طبيعي ،يعني فاش تغسلي وجهك وتمسحيه تقدري تمسحي بيه بحال كيما كنديرو بماء ورد .ولا بلاصت متزولي الماسك بالماء زوليه بواحد منهم (البابونج او المعدنوس).
    انا درت واحد الطريقة ليومة و عجباتني قررت نبقا نديرها ديما .
    خديت معدنوس و دقيتو فمهراس و خديت شوية ديال الفاصمة حيت متقبة ممكن تستعملو ثوب حياتي .المهم درت فيها داك المعدنوس و بقيت كانكمدو علا وجهي كامل،خليتو شوية ،شي 15 لدقيقة وغسلتو ،ختي ڭالت ليا بلي بان فيا الفرق.
    كاين واحد اللعيبة كتخلي الوجه منوررررر كتنصحني بيها ماما ديما ،هادي كاديريها وقتما خرجتي من الحمام باش تيبقا الوجه منور السيمانا كاملا .
    نعطيها ليكم من بعد فشي موضيع آخر ولا ف التعليقات ،دابا راه بان ليا طولت شوية.
    عفاكم دعيو معايا من قلبكم الله يفرج همي الله يعطيكم الستر معرفناش دعوة تاع من لي تكون مقبولة عند الله .
    الله يسڭم سعدكم .
    شكرا
    zanoubia10, zanouba1 et warda.islam aiment ça.
  2. Publicité Google

  3. sandrine Membre

    merci beaucoup pour les recettes
    et j'attend la dernière
  4. warda.islam Membre

    allah yfarej hamek a khti mounia
    goli lina hadik la derniere :)
  5. zanouba1 Membre

    merci bcp a khti lah ye3tik matmeniti inchaLAH goli lina dik l3iiiiiiba a khti hihihihih
  6. zanouba1 Membre

    merci bcp a khti lah ye3tik matmeniti inchaLAH goli lina dik l3iiiiiiba a khti hihihihih
  7. Mounia Monmon Membre

    ههههه عرفتكوم غادي يدركوم راسكم على اللعيبة التانية ،المهم راه اسهل ما يكون هي هادي .
    خودو شوية خيزو محكوك فرقيق ،غير قياس معلقة كبيرة مثلا (انا عيني ميزاني) المهم باش يطلق ديك الميهة ديالو زيدو عليه شوية عصير الليمون (برتقال) قياس معلقة مثلا .و ديروه فشي فاصمة كيما الوصفة اللولة و كمدو بيها وجهكوم بعدما تخرجو من الحمام و من طبيعة الحال من بعد ما يبرد الوجه ،وصفة كتنور الوجه و مفيدة بزاف،و طبيييعية ،حيت احسن حاجة نديروها للبشرة ديال الوجه هي الخضر والفواكه .
    ملاحظة:يمكن توضعي الخلطة بالطريقة للي بغيتي و ماشي ضروري نديرو فاسمة .
    شكرا بزاف على دعواتكم ،وقيلة نفعوني إلا ما خفت نكذب ههه ولله !
    الله ينفعكوم الحبيبات .
  8. kan Membre

    ALLAH YESAHAL AMRAK
    LIK O LIYA O LAJAMI3 LMOUSLIMINE
    Mounia Monmon aime ça.
  9. Mounia Monmon Membre

    Yaa rabbi améééééén
  10. souadhalaya Membre

    الله يسهل عليك ويفرج همك اختي ولجميع المهمومين
  11. merci hbiba o lah y3tik manwiti o ljami3 lmochtarikat m3ana o lbnat kamlin
  12. Mounia Monmon Membre

    Allahoma amééén chokran likom kamliiiin

Partager cette page