1. En cas de Probléme :
    Contacter l'admin : Ayoub | Mehdi

ماسكات لجميع أنواع البشرة ووصفات للتجاعيد و النمش وتضييق المسام

Discussion dans 'العناية بالبشرة' créé par siham fadla albahjawia, 15 Juin 2011.



  1. مرطب للبشرة الدهنية


    طرف الخيار بلا زريعة محكوك +ابيض بيضة +عصير نصف حامضة ونخلط في خلاط كهرباكي حتى يولي بحال كريم ونوضعوه على الوجه ربع ساعة ويغسل بماء بارد

    ينصح باكل الفواكه والخضر في الفطور

    تضيق المسام

    صفر بيضة +قشرة حامضة محكوكة +عصير حامضة نخلطو كولشي ونديروه للبشرة مدة 15دقيقة 2 خطرات في الاسبوع
    وصفة النمش

    معلقة زيت المشماش ومعلقة عصير البصلة و معلقة عصير الحامض و معلقة العسل الحر
    نخلطو كولشي في قرعة وندهنو الوجه صباح و الليل وصف مسام واسع
    نديرو مساج للوجه اما بزيت اللوز اما زيت البلدية ندلكو بحركات دائرية
    من بعد نجيبو عصارة النعناع +2 معالق عصارة تفاح + 2 معالق عسل حر

    نديروه كقناه مدة 3 سوايع ونداومو عليه على الاقل مرة فسيمنة

    وصفة الشعر ليف الوجه

    ناخدو 2 معالق تارة نكبو عليها ربع كاس ماء طايب كل ساعة ندهنو بها غير تنشف ندهنو ومن تما نديرو لاصير
    وصفة للحد من النمش
    كبريت صيدلية مدقوق نخلطوه مع صابون البلدي وندهنو به في الليل و في الصباح نغسلو الوجه مع المداومة تبان نتيجة
    ليسيغن لي حدا العين

    معلقة عصير خيار
    بياض بيضة بلدية
    معلقة عصير نعناع
    و العسل الحر
    نطربو البيض مزيان عاد نزيدو عليه المقادير الاخرى ونديروهم تحت العين
    وصفة البشرة المختلطة

    ناخدو زريعت الكتان نطحنوها مزياان ونخلطوها مع زيت اللوز وندهنوه للوجه تقريبا نخليوها 15 دقيقة
     

    ماسك العناية بالبشرة الجافة

    2
    معالق زيت البلدية
    معلقة زيت كلسرين ولا فازلين
    معلقة كبير خميرة
    2
    معالق حليب سائل
    نخلطو كولشي ونبقاو نديرو للبشرة مدة 20 دقيقة
    وصفة للعناية بالبشرة
    2
    معالق عصير الخيار
    2
    معالق ماء ورد
    معلقة زيت البلدية
    معلقة حليب غبرة
    نخلطو كولشي ونديرو للبشرة
    دائما اي مسك ناخدو قطعة ثلج وندوزوها على البشرة ديالنا
    ماسك و كوماج في نفس الوقت
    ناخدو شكلاط الاسود ندوبوه في حمام مريم فاش ابد نزيدو شوية الملح ونصف كاس الحليب نخلطو كولشي ونديروه للوجه مدة 15 دقيقة بعيد على منطقة العين
    الى بقا لينا الخليط نديروه فقرعة ديال زاج نديروه 2 الخطيرات في الاسبوع
    وصفة قناع تجاعيد
    بياض بيضة بلدية + معلقة زيت اللوز المر
    نطربو بياض بيضة حتى اولي فحال ثلج ونزيدو زيت اللوز ونحركو ونفركو الوجه ونخليوه 15 دقيقة ونمسحو الوجه باسفنجة مبللة بماء دافئ ونديرو ورق شفاف على الوجه وصفة ضد التهابات الشمس ومرطبة للبشرة
    ناخد 2م ك دقيق الارز + 2م ك زيت الكوك + 2 م ك كاكاو غبرة مسوس + نصف كاس من ماء الكوك او ماء الزهراو ماء الورد او منقوع سالمية اوالبابونج

    نخلط الكل ونضعه في قنينة زجاجية نضعه على الوجه 20دقيقة تكرر العملية 2مرات في الاسبوع

    ونحتفظ بالباقي في التلاجة
    وصفات الجمال


    ماسك للبشرة بالشوكلاط؛ 2 معالق كاكاوغبرة او 2 ضامات الشوكلاط الممتاز اللي فيه نسبة الكاكاو 60 في المئة فما فوق _ معلقة زيت اللوز او زيت اركان الابيض للتجميل كندوبوالشوكلاط في حمام مريم ونزيدو عليه زيت اللوز ونخلطو مزيان ونخليوه يبرد شوية ونعملوه على الوجه مدة ربع ساعة تم نغسلوه عادي فهو يصلح لكل انواع البشرة كما انه مفيد جدا ضد التجاعيد ويساعد على التئام الجروح ومضاد للاكسدة وحتى حروق الشمس وجفاف البشرة لانه يساعد على تنعيمها وايضاحتى للبشرة الحساسة

    لوصفة ازالة حب الشباب

    صابونة الكف محكوكة+خيارة مطحونة بقشرتها
    يوضع الكل في بواطة ويوضع في الثلاجة ويغسل به الوجه يوميا

    وصفة حب الشباب

    2
    معالق عسل + معالق مسحوق ترمس+ معلقة خل التفاح نخلطو كولشي ونديروهم للبشرة ديال مدة 20 دقيقة ونغسلو الى غسلنا نديرو قطعة ثلج ندوزوها على الوجه
    وصفة تصفية البشرة
    ناخدو تفاحة محكوكة
    معلقة نشا
    معلقة عصير الخس
    قطرات حامض
    2
    معالق طحين
    نخلطو كولشي ونديروه مدة نصف ساعة على الوجه
    ضروري بعد كل وصفة ندوزو طرف ديال ثلج على الوجه باش الماك اعطي مفعول ديالو

    التجاعيد
    طحالب البحرناخد منهم مقدار 3ملاعق + 4ملاعق زيت
    زيتون + 3ملاعق عسل حر + صلصال قالت الاخت ربيعة ناحد كاس طين مفيهش لقطران ندقوه نغربلوه ناخد منه 2ملاعق وتخلط جيدا نتركها ترتاح لمدة ساعة وندهن بها الوجه 20د
    ثم يغسل بماء فاتر ندهن الوجه بعد دلك بكريم مرطب

    ""
    كريم للبشرة الجافة ""
    معلقة كبير شمع نحل +معلقة زبدة كاكاو + معلقة زيت لافوكا+2معالق زيت اللوز
    ناخدو جميع المكونات نديروهم في حمام مريم ونحتافظو بهم ونبقاو نعملوهم للوجه ديالنا مدة 20 دقيقة 3 المرات في الاسبوع كات رطب البشرة


    وصفة لإزالة تجاعيد الوجه

    خذي 30 مل من كل من عسل النحل وسائل شمع العسل وعصير البصل وعصير الزئبق الأبيض (متوفر عند العطارين ) ثم اخلط كل هذه العناصر معاً وعرضيها للتسخين على نار هادئة إلى ان يذوب الشمع وبعد ان يبرد الخليط استخدميه في دهن الوجه مع التركيز على مناطق التجاعيد وذلك صباحاً ومساءً واتركي القناع ليتفاعل مع البشرة لمدة أقلها نصف ساعة ثم تخلص من القناع باستخدام قطعة نظيفة من القماش وبعد ذلك اغسلي الوجه بالماء الدافيء أولاً ثم بالماء البارد ومن الأفضل المداومة على هذا القناع لإزالة التجاعيد القديمة والجديدة.
    (
    منقول
    ماسك محاربة التجاعيد و ترطيب البشرة الجافة

    ناخدو بطاطة مصلوقة نمعكوها + 2 معالق حليب سائل +معلقة نشا +3 معالق زيت الدرة + 2 معالق زيت اللوز+ ماء الروز المصلوق نخلطو ونديروه للوجه

    وصفة حب الشباب

    2
    معالق عسل + معالق مسحوق ترمس+ معلقة خل التفاح نخلطو كولشي ونديروهم للبشرة ديال مدة 20 دقيقة ونغسلو الى غسلنا نديرو قطعة ثلج ندوزوها على الوجه
    وصفة حب الشباب


    عصارة المعدنوس + مقدار عصير خيار + 2 معالق عسل

    وصفة تبيض تنقية البشرة

    شوية لافوكا + معلقة زيت اللوز +معلقة عسل + صفار بيضة + حبة فريز

    وصفة تنقية البشرة

    تفاحة محكوكة +معلقة نشا+معلقة عصارة الخس+قطيرة حامض+2معالق طحين الفورص
    قناع البشرة الحساسة

    5 معالق عسل حر
    نصف معلقة ماء ورد
    نديرو فشي اناء العسل ونزيدو ماء ورد ونديروهم للوجه ديالنا نخليوه 10 دقائق وندلكو مزيان مدة 3 دقائق ونمسحو بقطن مبلل بماء ورد ونغسلو الوجه بمار دافئ



    النقط السوداء

    : معلقة عصير جزر + معلقة عصير حامضة + معلقة ياغورت طبيعي يتخلطو ويدارو في شي قرعة في التلاجة حتى الصباح عاد نضيفو معلقة دقيق ويدارو للوجه من بعد ننظف الوجه بماء المعدنوس
    .
    ماسك الوجه البشرة العادية
    : معلقة حليب غبرة + معلقة ياغورت طبيعي يخلط بماء الورد 15 دقيقة كيدار ماسك من بعد يغسل الوجه بماء و تمسحي بماء الورد
    البشرة الجافة : عصارة التفاح + معلقة عسل ، ومن الأحسن الابتعاد عن النشا
    سد المسام: 2 معالق ماء نعناع + 2 معالق ماء الخيار + معلقة جلسيرين
    البشرة الجافة
    : نحكو عظم لافوكا و ناخدو 2 معالق + معلقة زيت لافوكا + معلقة حليب سائل نديروهم ماسك و من بعد يغسل بماء دافي
    ازالة الشعر من الوجه : بياض بيضة بلدية + شوية نشا نخلطوهم حتى يتقال نديروهم ماسك حتى ينشف ونبداو نكوميو
    المسامات الواسعة : 2 معالق ياغورت طبيعي + عصير طماطم نديروهم 20 دقيقة يغسل بماء دافي و ينظف الوجه بماء الورد
    كوماج الوجه : فرماجة مربعة + ماء الورد + حليب غبرة كيدارو 20 دقيقة
    كوماج الوجه : ليمونة + حامضة + بطاطة + تفاحة نقشروهم ونديروهم في كوكوط مع 1 لتر ماء 30 دقيقة من بعد نطحنوهم و نديرهم في قرعة و عند الاستعمال نزيدو ماء الورد



    كوماج للوجه

    فرماجة كيري نديروها على الوجه ونخليوها تنشف من بعد نكوميوها كتزول الاوساخ نديروها 2 مرات فالاسبوع
    ازالة حب الشباب
    بنانة تكون طايبة مزيان نخلطوها مع 1 م ك خل التفاح و 2 م ك نيدو نخليو هاد الخليط على الوجه حتى ينشف ونغسلو بماء دافي ومن بعد بماء بارد كنستعملوه يوميا
    ماسك لتنقية الوجه
    بطاطا محكوكة ومسفية انخدو غير الما
    خيارة احتا هي محكوكة ومسفية انخدو غير الما

    دابا غادي انخدو الما اديال البطاطا والخيار ونزيدو اعليه نيدو ودقيق الشعير

    ماسك لتنقية الوجه

    المقادير
    علبة شكلاط غبرة125
    كاس ماء بارد+كاس السكر+كاس زيت+2بيضات+4ملاعق نيدو+2خمارات+2كيسان
    طحين+1دانون شكلاط+1فاني
    الطريقة
    في خلاط نعمل ماء زيت سنيدة حليب شكلاط غبرةفانينيدو نخلط مزيان نزاولو منو
    3
    ملاعق كبار من بعد نزيد فيه البيض وطحين والخمارات نخلط مزيان نعملو في
    لاطة مدهونة وندخلو للفرن ملي الطيب وتبرد ناخد داك3ملاعق ليزاولنا فالاول
    نخلطهم مع دانون ونطلي بيها الوجه

    العبار بكاس العنبة
    ❤❤ وصفة ازالة النقط السوداء ❤❤
    معلقة دقيق الشعير+ بياض بيضة بلدية
    نطربو بياض بيضة بلدية حتى اولي فحال ثلج نزيدو عليه معلقة دقيق الشعير
    نخلطهم ونديروهم على البلاصة لي فيهم لبوان نواغ مدة 20 دقيقة ونغسلو بماء بارد ثم ماء دافئ


    ❤❤ ازالة التجاعيد من الوجه ❤❤
    بنانة نمعكوها مع عصير توت ونديروها للوجه ديالنا مدة 15 دقيقة ونغسلو بالماء الدافئ مع المداومة
    ❤❤ وصفة العناية بالوجه الدهني❤❤
    ناخدو نخالة ونخلطوها مع ماء ورد طبيعي و نديروها لوجه مدة 15 دقيقة نمسحو بماء ورد ونغسلو بماء دافئ مع المداومة
    ❤❤ وصفة للعناية بالوجه لي فيها لحبوب ❤❤
    -
    ناخدو ورق الكرومب نغليوه وناخدو غير الماء نديروه في قرعة نخليوه في ثلاجة ونبقاو نمسحو بيه الوجه
    -
    ايضا نخدو البابونج نغليوه ونصفيوه ونديروه في قرعة نديروه في ثلاجة نبقاو نمسحو به الوجه ديالنا
    -
    ايضا خيزو ناخدوه نحكوه بلقشرة نخلطوه مع عصير حامض نخليوه نصف ساعة ونعملوه للوجه مدة 20 دقيقة ونمسحو بماء ورد
    -
    ايضا عصير خيزو مزيان لبشرة الحساسة نخلطوه مع عسل الحر
    -
    ايضا ماء مع نترون و الماء نبقاو نضفو بيه الوجه
    ايضا ماء المعدنوس
    نحاولو مان كتروش المكياج ونغسلو في الليل البشرة من المكياج

    ❤❤ وصفة تنقية الوجه ❤❤
    روز مطحون + ياغورت +مع حليب غبرة + شوية ماء ورد
    نديروهم للوجه حتى انشف ونغسلو الوجه
    التجاعيد

    بياض بيضة نطربوها حتى تولي فحال الثلج نزيدوا عليها 3 معاق زيت اللوز و يتوضع على الوجه و العنق و تحت العينين و جناب الفم

    مع تدليك خفيف و يغسل بماء دافئ
  2. Publicité Google

  3. el haoudi Membre

    merci hbiba bazaaaaaaaaaaf
  4. rosette22 Membre

    ALLAH yjaziki kol khir
  5. el haoudi Membre

    slm khti 3afak ilama 9oli lia achman wahda radi ndir fi had wasafat li 9olti dyal massam wajh ana 3andi massam wassi3 bazaaaaaf obrit li tnasabni et merci
  6. 2 معالق ماء نعناع + 2 معالق ماء الخيار + معلقة جلسيرين
  7. rose2011 Membre

    choukran bzaaaaaaaf 3la lwasafat lwa3ra ghanjrebhom inchallah

Partager cette page